Encontro mostra transfronteiriza da xuventude emprendedora
Auditorio de Ferrol, 16 de decembro de 2017
A Consellería de Política Social, a
través da Dirección Xeral de Xuventude, Participación e Voluntariado,
pon en marcha EMOTRAXE, un espazo de encontro e de aprendizaxe para que a
xuventude poda compartir experiencias e emocións á vez que amosar
publicamente as súas vivencias de participación, compromiso social e de
emprendemento.
Emotraxe pretende ser un espazo a
disposición da xuventude no que mozos e mozas e axentes públicos e
privados trasladen os seus proxectos en distintos ámbitos, co fin de
xerar ilusión e contaxiar do seu espírito emprendedor e comprometido.
O encontro estará aberto a mozas e mozos
emprendedores, membros de asociacións xuvenís e entidades prestadoras
de servizos á xuventude, persoas participantes en actividades de
voluntariado, mozas e mozos membros de grupos informais, técnicos/as de
xuventude, informadores/as xuvenís, educadores/as, mediadores/as xuvenís
e todas as mozas e mozos con espírito de iniciativa e persoas
interesadas na materia.
Emotraxe facilitará a cada entidade
xuvenil que o desexe un espazo para a exposición de ideas, actividades e
proxectos, con zona de stands dos diferentes colectivos participantes.
A organización farase cargo
dos traslados necesarios das persoas que se inscriban, poñendo á súa
disposición distintas liñas de transporte, sempre que haxa unha cota
mínima de participantes para cada liña.
As inscricións poderán realizarse en liña a través deste formulario ata o día 10 de decembro.
Mási información: http://xuventude.xunta.es/component/k2/item/12797-emotraxe
Comentarios
Publicar un comentario