Saltar ao contido principal
#AmorNOesControl
As fundacións ONCE, Legálitas e "Deporte Joven" presentaron a campaña
#AmorNOesControl, que pretende identificar diferentes condutas
delituosas, relacionadas coa ciberviolencia de xénero entre
adolescentes, co obxectivo de que eles mesmos as recoñezans, non as
permitan e as denuncien.
A campaña identifica con exemplos reais algúns delitos que se tramitan nos xulgados de violencia sobre a muller, por exemplo:
- O delito de descubrimento e revelación de segredos
que se dá co acceso ao WhatsApp ou calquera outra rede social ou chat
da parella ou ex parella, por ter hackeado o contrasinal ou simplemente
por espiala.
- O ‘stalking’ ou espreita relaciónase
cunha persecución intrusiva a unha persoa coa que se pode establecer o
contacto persoal en contra da súa vontade ou para que outros contacten
con ela en contra da súa vontade, servíndose das novas tecnoloxías.
- O ‘sexting’
consiste na difusión de imaxes ou vídeos que afectan á intimidade ou a
honra da vítima, neste caso parella ou exparella. O que se sanciona é a
difusión dese contido, polo que o delito cométese, aínda que o contido
se obtivera con consentimento da vítima, se se difunde contra a súa
vontade.
Todas estas condutas poden ser delito e están recollidas nunha
serie de vídeos cos que a campaña #AmorNOesControl quere contribuír a
sensibilizar aos máis novos.
Déixobos por aquí a páxina web se vos queredes informar mellor sobre este proxecto
Comentarios
Publicar un comentario