VI Convocatoria de Axudas de Fundación ONCE para a realización de “Cursos de idiomas no estranxeiro” dirixidas a mozos e mozas con diversidade funcional inscritos/as no Sistema Nacional de Garantía Xuvenil no marco do programa de emprego xuvenil 2011-2022 cofinanciado polo Fondo Social Europeo.
Este programa de axudas ponse en marcha para reforzar as competencias lingüísticas dos mozos e mozas con diversidade funcional e mellorar así as súas oportunidades de atopar empregos cualificados. Trátase de contribuír á igualdade de oportunidades, ofrecendo os recursos necesarios para favorecer a mobilidade internacional e a adquisición de competencias linguisticas.
As persoas interesadas poden presentar a súa solicitude ata o 23 de xullo de 2023 e os cursos poderán realizarse ata o 30 de setembro de 2023.
Requisitos
Diversidade funcional cun grao igual ou superior ao 33%
Idades entre os 18 e os 29 anos.
Beneficiario/a do Sistema Nacional de Garantía Xuvenil.
Matricularse nalgún curso de idiomas no estranxeiro dun mínimo de 4 semanas e un máximo de 12 semanas de duración. Os cursos deben de contar con polo menos 20 clases semanais ou 15 horas semanais.
Dispoñer de seguro médico durante o período de estancia no estranxeiro. Este seguro pode ser a tarxeta sanitaria europea en vigor ou calquera outro que se contrate de maneira específica.
Dotación
Programas de 4 semanas - 2.000 euros
Programas de 6 semanas - 3.000 euros
Programas de 8 semanas - 4.000 euros
Programas de 10 semanas - 5.000 euros
Programas de 12 semanas - 6.000 euros
Máis Información
idiomas@fundaciononce.es - Bases da convocatoria / Formulario de solicitude
Comentarios
Publicar un comentario